Распукан асфалт, паднати бандери и куќи – Видеа од Јапонија по силниот земјотрес од 7,6 степени

Детали

понеделник, 01 јануари 2024

Распукан асфалт, пукнати цевки, оштетена инфраструктура и паника заради ново цунами... На социјалните мрежи се објавени повеќе видеа кои што покажуваат како изгледаат штетите по силниот земјотрес во Јапонија.

Денес (01.01) Јапонија беше погодена од силен земјотрес, со јачина од 7,6 степени.

Тлото во Јапонија почнало да се тресе во 4.10 часот попладнето, а набрзо потоа се издадени наредби за евакуација на населението, затоа што земјата стравува од ново катастрофално цунами, како тоа што се случи во 2011-та година.

BBC објави видео на Инстаграм на кое се гледа како изгледал земјотресот. Во видеото се гледа како најголемиот дел од градбите успеваат да го издржат силниот потрес.

По силниот земјотрес од 7,6 степени, биле регистрирани уште неколку нови потреси, од кои и два силни земјотреси со магнитуди од 6,2 и 5,2 степени.

Властите предупредуваат на опасност од цунами, а се очекува дека може да се очекуваат бранови со височина поголема од 3 метри, па препораките се населението што живее во крајбрежните предели под итно да се евакуира.

Погледнете дел од видеата објавени на социјалните мрежи:

Оштетена инфраструктура во градот Учинада

Големи бранови по силните земјотреси

Луѓето во паника бегаат за време на силниот потрес

Поплавен мол во Јапонија, откако заради земјотресот пукнале цевки

Видео снимки од станица во метро за време на земјотресот

Б. С. Б. | Црнобело