Вирално видео: Змија ги исплаши патниците во авион во Тајланд, стјуард едвај успеа да ја фати

Детали

четврток, 18 јануари 2024

Вистинска драма се случувала на летот од Бангкок до островот Пукет во Тајланд, кога во авионот на Air Asia се појавила змија која слободно шетала врз преградите за рачен багаж.

На Твитер се споделува видео од змија која ги исплаши патниците на лет на компанијата Air Asia.

Видеото го снимил еден од патниците и тоа за кратко време стана вирално.

На снимката може да се виде дека додека патниците прават мешаница во паника, еден од стјуардите на летот се обидува да ја фати змијата и да ја „натера“ да влезе во пластично шише.

Откако тоа не му успева, тој ја фаќа змијата во ќеса.

Авионот слетал безбедно и без инцидент, а брзо по немилиот настан од компанијата излегле со соопштение во кое се вели дека нивните стјуарди се обучени и за вакви ситуации.

Не е првпат змија да се појави во еден од летовите на Air Asia. Во февруари 2022 патниците забележале питон, по што авионот морал принудно да слета.

Погледнете го видеото:

Cabin Crew was able to capture the snake as Passengers on a domestic flight (Bangkok-Phuket flight) from Thailand panicked after the reptile emerged from inside the overhead bin luggage rack of an Air Asia A320 aircraft shortly before landing.#travel #passenger https://t.co/y3UFY8DhQ8 pic.twitter.com/KlQihlcBEu

— FL360aero (@fl360aero) January 17, 2024

А. Ј. | Црнобело