Вирален хит: Норвежанец танцува на разни локации со шолја кафе во раката (видео)

Детали

понеделник, 21 октомври 2024

За Кјетил Крогштад буквално може да се каже дека оди низ животот танцувајќи... Запознајте го „танцувачкиот инфлуенсер“ од Норвешка.

Кјетил Крогштад oд Норвешка шири позитива на Инстаграм со своите танцувачки видеа.

Овој Норвeжанец има повеќе од 663.000 следбеници, а танцува буквално кај ќе стигне.

„Танцувам од 4-годишна возраст“, вели тој и открива дека додека другите момчиња оделе на часови по фудбал, тој одел на часови по танц, пеење и глума.

Неговиот ентузијазам е заразен и вели дека никогаш не планира да прекине со танцувањето, а дека луѓето по улиците го препознаваат како „танцувачкиот инфлуенсер“.

Тој вели дека сето ова почнало спонтано и дека првите танцувачки видеа ги праќал во приватни пораки кај пријатели, но штом го објавил првото видео, тоа станало вирално.

Кјетил вели дека за снимање на танцувачките видеа избира интересни локации и дека на тој начин ја промовира и убавината на Норвешка, но и на другите земји што ги посетува, како Исланд и Италија.

Дел од неговите видеа (кликнете за да ги видите):

С. С. | Црнобело