13-годишно момче прави ремек-дела од торти – учел сам гледајќи видеа од YouTube

Детали

четврток, 22 мај 2025

Браво! Ова е момчето кое стана вирален хит заради своите вештини за правење торти на само 13 години, учејќи сам од YouTube видеа, а веќе дури и заработува од ова.

Бракстон Харст е 13-годишен тинејџер кој без никакви формални курсеви, ги усовршил своите пекарски способности само преку YouTube видеа.

Тој барал онлајн рецепти, ги гледал видеата и пробувал да ги повтори.

Момчето станало толку добро во тоа, што сега е махер за торти кои наликуваат на ремек-дела и заработува од тоа.

Бракстон прави торти со уникатни декорации за родендени и секаков тип на прослави во неговиот град Толедо во Охајо, а ги продава од 30 до 100 долари.

Неговата цел е да собере доволно пари за да може да се пријави на камп за печење летово во Њујорк.

„Тој е одличен во ова. Горда сум на него. Почна да гледа рецепти онлајн и да сака да ги повторува. Една сабота се разбудив со звукот на миксерот, а тој беше во кујна и ми рече – Видов рецепт на Јутјуб и сакав да го пробам“ - изјавила мајка му за медиумите.

Неколку часа подоцна тој направил торта за восхит, со слоеви во различна боја како виножито, а делото го објавил на својот канал на Јутјуб.

Сега тој редовно ги споделува неговите ремек-дела од торти и на својот Инстаграм профил, а за кратко време стана вирален хит со своите кулинарски вештини од млади години.

Погледнете дел од нив: 

М. М. | Црнобело