Што ќе ви ја уништи кариерата?

Детали

недела, 29 март 2009

Често во весниците читаме за бизнисмени и луѓе од шоу бизнисот, нивното однесување, успеси и неуспеси. Во медиумите се зборува како тоа влијае...

 

...на нивната кариера, меѓутоа после некое време гледаме како тие стануваат уште попопуларни и влијателни. За да го зачувате сопствениот професионален углед избегнувајте:

1. Можеби мислите дека сликата од вас мртви пијани, ставена на Фејсбук или на вашиот блог изгледа интересно, но можеби вашиот шеф не го дели мислењето. Размислете каков имиџ сакате да остварите на работа. Таква слика сигурно не се вклопува во замислата.

2. Откривање доверливи информации за фирмата е чин со кој ќе си наштетите себеси повеќе отколку на фирмата. Ни конкурентската компанија која имала корист од вашите информации никогаш не би ве вработила.

3. Немојте да ги оговарате ни пред пријателите, својот шеф и колегите од канцеларија. Никој не сака да се зборува за него лошо. Шефот може да ве отпушти, а колегите да ви го загорчат животот во канцеларија. Работата и трачевите оставете ги во канцеларијата.

4. Ако во слободно време работите за конкуренцијата, убаво и детално прочитајте го договорот. Некогаш компаниите имаат многу стриктни договори кога е во прашање конкуренцијата, па може ќе треба својата грешка да ја отплаќате неколку години.

5. Без разлика дали се работи за приватна журка или канцелариска забавам никогаш немојте да се опиете пред шефот.

6. Слободата на говорот ви дозволува да кажете сè што сакате, но прашање е зoшто би го кажале тоа? Расистички, сексистички и други слични изјави оставете ги за себе.

7. Можеби не ви се надредени, но ако ги прогонувате или злоставувате на било кој начин колегата или колешката, шефот секогаш ќе биде на страна на жртвата. Ако ништо друго поради стравот од тужба.

8. Сакате да го поминете денот во шопинг. Наједноставно е да одглумите болест. Можеби е попаметно да побарате слободен ден за да не се справувате со потешки последици.

9. Не шверцувајте пријатели на службени патувања. Побарајте дозвола од шефот.