Вдовицата на Диого Жота се огласи првпат по погребот: „Еден месец од нашето ‘додека смртта не нè раздели’“

Детали

среда, 23 јули 2025

„Помина еден месец од нашето ‘додека смртта не нè раздели’. Засекогаш, твојата девојка во бело“ - напиша на Инстаграм Рут Кардозо, која само 11 дена беше во брак со фудбалерот пред тој да загине.

Рут Кардозо, сопругата на Диого Жота, која беше само 11 дена официјално во брак со фудбалерот на „Ливерпул“, еден месец по денот на нивната венчавка (22.06), објави три свадбени фотки на Инстаграм.

Две фотографии се од нивниот прв свадбен танц, и една на која се држат за рака и во фокусот се неговата бурма и нејзиниот свршенички прстен.

Покрај фотките, вдовицата на Жота напиша потресна порака, во која истовремено ја покажува и својата болка, но и среќата поради љубовта и годините поминати заедно со фудбалерот.

„Помина еден месец од нашето ‘додека смртта не нè раздели’. Засекогаш, твојата девојка во бело“ - пишува на Инстаграм.

Рут носеше бело и на погребот на Жота, како симбол дека ќе го слави неговиот живот.

За потсетување, португалскиот фудбалер загина во сообраќајна несреќа на 03.07 во Шпанија, заедно со својот помал брат, Андре Силва.

Несреќата се случи 11 дена по свадбата со Рут Кардозо, која му беше љубов од неговите 16 години.

Прочитајте и Се запознале на 16 години, се венчаа 11 дена пред да загине: Љубовната приказна на Диого Жота и сопругата заврши трагично

А. Ј. | Црнобело