Што знаеме за атентатот на Чарли Кирк - убиството за кое коментира целиот свет?

Детали

четврток, 11 септември 2025

Вчера, десничарскиот политички активист Чарли Кирк беше застрелан и убиен за време на настан на универзитет во САД. Надлежните уште трагаат по сторителот, додека американските политичари изразуваат сочувство и апелираат дека насилството не е решение, без разлика кој на која партија припаѓа.

Чарли Кирк, кој беше меѓу најголемите поддржувачи на Доналд Трамп, беше жртва на атентат кој се случи вчера (10.09) додека присуствуваше на настан на универзитет во Јута.

31-годишниот Чарли беше конзервативен политички активист, инфлуенсер и влијателна јавна личност, а самиот Трамп има изјавено дека токму неговото влијание му помогнало да ги освои гласовите на младите во САД.

Чарли, кој важеше и за контроверзна личност, имаше милиони поддржувачи и исто толку противници.

Но, неговата трагична смрт обедини голем дел од нив, кои сега апелираат дека насилството никогаш не е решение.

Што знаеме за неговото убиство?

Вчера, Чарли Кирк присуствуваше на настан на кампусот на Utah Valley University.

Околу 20 минути откако почнала неговата презентација, на социјалните мрежи, како и американските медиуми, почнаа да се споделуваат информации за наводно пукање.

Набрзо потоа, портпарол на универзитетот изјави дека имало пукање, како и дека Чарли Кирк е единствената личност која била застрелана.

Почнаа да се споделуваат и вознемирувачки видеа на кои се гледа како Чарли е застрелан во вратот, а претседателот Доналд Трамп порача сите да се молат да преживее.

Чарли веднаш бил хоспитализиран. Но, за жал, поради прострелната рана во вратот, Чарли не успеа да се спаси.

Неговата смрт ја потврди и претседателот Трамп.

Низа очевидци дадоа изјави за инцидентот, а некои опишаа и дека полицијата веќе уапсила некој.

„Слушнавме гласен истрел и видов ако Чарли крвави и одеднаш сите легнавме на земјата. Се свртев и видов полицајци како носат маж со бела коса. Го имаа уапсено, му ставија и лисици и го однесоа“.

Некои очевидци изјавија и дека обезбедувањето на кампусот не бил воопшто добро, додека портпарол на универзитетот сподели дека Чарли бил застрелан од покрив од некоја од околните згради.

Вработен во ФБИ сподели дека веруваат дека го нашле осомнчениот, но неговиот идентитет не беше откриен.

Набрзо потоа изјавија и дека осомничениот бил приведен, но дека сепак не бил виновен, по што го ослободиле.

Била приведена и уште една личност, но и таа била ослободена бидејќи немала конекција со атентатот.

Продолжува на следната страница...