Што знаеме за атентатот на Чарли Кирк - убиството за кое коментира целиот свет?

Од ФБИ отворија онлајн линија преку која очевидците можат да споделуваат информации за убиецот доколку виделе или видат нешто.

Иако има многу обвинувања од поддржувачите, но и противниците на Чарли Кирк, засега не се знае кој стои зад трагичното убиство, ниту кој бил мотивот.

Во меѓувреме, бројни политичари изразија сочувство на смртта на Чарли и порачуваат дека политичкото насилство никогаш не е оправдано, без разлика кој на која партија припаѓа.

Поранешниот претседател Џорџ Буш изјави дека насилството мора да биде искоренето:

„Членовите на другите политички партии не се наши пријатели, тие се наши сограѓани“.

Се огласи и претходниот претседател Џо Бајден, кој исто така вели дека насилството треба да се искорени од САД.

Поранешниот претседател Барак Обама е со ист став, а додаде и дека со Мишел ќе се молат за сопругата на Чарли и неговите две деца.

Претседателот Доналд Трамп напиша низа објави, а се обрати и со видео во кое вели дека атентатот одбележал „мрачен момент во Америка“.

Во меѓувреме, покрај универзитетот се собраа поддржувачи на Чарли кои му оддаваат почит.

Чарли Кирк стекна репутација на еден од најгласните и највлијателните говорници на политичката десница.

Беше лојален советник на Доналд Трамп и член на републиканската партија, а од противниците се соочуваше со критики за неговите контроверзни ставови и изјави.

Во 2021 година, тој се венча со сопругата Ерика која е успешна бизнис жена и филантроп, а има победено и на Мис Аризона САД.

Во 2022 година тие добија ќерка, а во мај минатата година добија и син.

Спирова С. | Црнобело