Облека менува боја при болест

Детали

петок, 19 јуни 2009

Родителите на новореднчињата веќе не мора да се грижат за тоа дали на време ќе приметат дека нивното дете има повисока температура од нормалната.

Иноваторот Крис Ебејер им ја реши барем оваа мака, создавајќи облека со вграден термометар. Иноваторот, кој е татко на мало бебе, гордо го потпиша доворот "тежок" 14,6 милиони евра со идниот производител "Babyglows" ширум светот.

Облеката која менува боја кога бебето ќе ја накачи својата телесна температура ќе биде достапна насекаде и ќе ги предупреди родителите така што би се спречила појавата на посериозна заболувања.

"Мајките ова ќе го сметаат за непроценливо. Топлината е невидлива, а оваа облека ја прави видлива и на тој начин комуницира со мајката кога бебето не може", изјавува иноваторот кој живее со својата 44-годишна сопруга и својот син во Велика Британија.

Ебејер минал 6 години работејќи на иновативната облека, а мотивација и идеа добил од еден документарец за бебиња. Тогаш тој ја започнал потрагата за молекулите чувствителни на топлина, а за да ги вгради во памучен материјал тој потрошил преку 820.000 евра.

"Babyglows" можете да ги најдете во розева варијанта, сина и пастелно зелена боја, а секоја од нив ќе побели во случај на покачена температура над 37 Целзијусови степени.

Со продажба ќе се започне во октомври оваа година, а ќе чинат 23 евра.