Заспаната убавица навистина постои и спие по 20 часа дневно

Детали

среда, 22 октомври 2014

Дваесетгодишната Бет Гудјер пати од Клајн Левинов синдром или т.н. „синдром на заспаната убавица“. Поради тоа спие и по 20 часа дневно, а и кога е будна мора да биде под надзор на родителите, бидејќи не е во состојба да го одвои сонот од јавето.

Ова ретко невролошко нарушување ѝ се случило кога имала 16 години и оттогаш спие во просек по 18 часа дневно.

Еднаш во 5 недели може да преспие и по 3 недели, а мора и да биде под постојан 24-часовен надзор.

- Повеќе од половина живот го поминав во спиење и се сеќавам само на дел од стварноста, како ништо да не ми се случило во животот - раскажува Бет.

Кога е будна понекогаш знае да биде депресивна, што е последица на синдромот, но нејзиното семејство е постојано околу неа, па се труди колку може да ѝ биде поубаво.

Во светот има 1.000 луѓе кои боледуваат од овој синдром, а од нив околу 700 се мажи. Не се знае што точно го предизвикува, но лекарите сметаат дека синдромот може да се повлече за 10 до 15 години.