Богаташ купил 80 авиoнски карти за неговите соколи

Детали

вторник, 31 јануари 2017

Ако имате миленик, тогаш знаете колку е силна грижата на совест, ако сакате да одите на одмор и треба да ги оставите дома. Нивните погледи ќе ве мачат секој ден додека вие уживате некаде на плажа или на скијање.

И постојано ќе си велите, дека далеку поубаво ќе беше да ги понесевте со себе.

Но, ако патувате со авион, тоа не се чини како добра идеја, нели? Односно, воопшто не е практична идејата.

Освен можеби ако не сте принц од Саудиска Арабија.

Токму така, еден корисник на Reddit, сподели фотографија која ја добил од својот пријател, пилот, кој му кажал дека еден „саудиски принц купил 80 билети за своите 80 соколи“.

Од оваа фотка остануваме со многу прашања... Каде ги носи? Зошто поседува толку многу? Што ако решат среде лет да полетаат? Дали останатите патници знааeле дека ќе делат авион со 80 соколи?

Меѓу најинтересните работи од оваа фотка е што птиците изгледаат така смирено, како секој ден да летаат со авион. А, не е ни чудно тоа да е вистина, бидејќи веднаш по оваа фотографија уште еден Reddit корисник коментирал со втора фотографија.

Одгледувањето на соколи е многу популарно во Обединетите Арапски Емирати, па дури и авионите имаат одредени правила.

Пример, Qatar Airways дозволува до 6 птици во економската класа. А, во Etihad Airways, можете да носите еден сокол со себе, ако платите такса за дополнителен багаж. Ако сакате да носите и втор сокол, ќе треба да платите билет за прва класа. Па, не е ни чудно што овој принц морал да купи 80 билети.

Инаку, соколите имаат и свои пасоши:

Н. Г. | Црнобело