Немате право да се жалите дека ви е ладно: Замрзнато момче пешачело 5 km на -9⁰С за да стигне на тест

Детали

петок, 12 јануари 2018

9-годишно момче од Кина, пешачело околу 4.8 km до неговото училиште на -9⁰С за да прави тест.

Малечкото момче живее далеку од училиштето, во сиромашни услови, па патот кој го поминува е многу исцрпувачки, но сепак тој е многу позитивен и успева секогаш да ги насмее сите соученици, според директорот.

Кога момчето пристигнало во училиштето премрзнато, директорот не можел да си поверува, бидејќи поради наглите ниски температури, наместо коса и веѓи, детето на себе имало мразулци, а обравчињата му биле целосно заруменети.

Фотката од 9-годишниот ученик вирално се прошири и создаде бура на емоции, кршејќи го срцето на многумина низ светот, а позитивното дете го доби и прекарот „ледено момче“.

Откако момчето и патеката која ја поминува се проширија на социјалните мрежи, луѓето почнале да го контактираат училиштето, со цел да инсистираат да ги подобрат условите за учениците.

Со оглед на тоа што персоналот признал дека немаат доволно услови и дека не сите простории се доволно загреани, училиштето добило донации повеќе од 15.000 долари, 20 уреди за загревање и 144 пара топла облека за децата.

Момчето е вистинска инспирација со оглед на тоа што верува дека неговите услови и можности ќе се подобрат доколку се едуцира, а сите кои се запознаа со неговата приказна даваат целосна поддршка и веруваат во него. 

М. М. | Црнобело