Девојка за нејзиниот 30-ти роденден наместо забава, организирала „погреб на нејзината младост“

Детали

петок, 23 март 2018

Сите имаат различен начин и желба за прославата на родендените, но една девојка навистина отишла во крајност со нејзиниот бизарен начин на прославување.

Мила Блатова од Русија, одлучила да направи нешто поразлично оваа година за нејзиниот јубилеен роденден кога наполнила 30 години.

Па, наместо да го прослави тоа што полни 30 години и може да се каже дека станува жена и да направи забава, таа решила дека треба да „жали“ заради тоа што ѝ поминала младоста.

„Мојата идеја дојде оттаму што не сакав да ми поминат ’20-ите години и да сфатам дека сум стара.

Поентата беше на интересен начин да го прифатам новото поглавје во мојот живот, а екстремната драма на фотографијата беше копирање на Крис Џенер во едно меме што го видов.

Барав мрачен моден пресврт и драматичен начин за мојот роденден.“

„Погребот на нејзината младост“ е обоен во црно - црни балони, црна облека, црн кармин и шминка, црни додатоци.

На фотките може да се забележи дека Мила сака да се издвои на уникатен начин од толпата и очигледно е дека ужива во драмата на нејзиниот живот.

Иако се збогува со својата младост, таа си вети дека ќе ги живее ’30-ите години од животот со многу авантури, патувања, но и дека ќе се грижи за нејзините две мали синчиња.

Русинката ги советува сите кои нервозно се приближуваат до „30-ката“ да не се плашат и да се забавуваат на секоја возраст, користејќи го максимумот на годините.

Иако нејзината идеја не била со лоша намера и има позитивна цел, сепак има многу негативни коментари од луѓето кои ја прочитале нејзината приказна.

Некои велат дека не разбираат зошто луѓето се плашат да пораснат. Животот не е само за забава, туку и за работа, знаење, родителство и уште многу други работи кои треба да се искусат како возрасен.

Други пак, ја критикуваат заради тоа што смета дека на 30 години престанува да биде млада, а под млада, мислат на љубопитна, желна да проба нови работи, да продолжи да учи и да се стреми кон подобрување и да, да се забавува.

Извор