Зошто кралицата Елизабета прославува два родендени?

Детали

вторник, 24 јули 2018

Кралицата Елизабета е позната по тоа што најдолго се задржала на тронот на Британската монархија. Но, зошто би си го „дуплирала“ датумот кога годините ѝ се зголемуваат?

Кралицата Елизабета е родена на 21 април, но тоа не е единствениот датум на кој го прославува роденденот.

Секоја година таа е славеник на точниот датум кога е родена, но и на „официјалниот“ датум.

Ова очигледно е традиција која се пренела уште од 1748-ма година, кога на чело на кралството стоел Џорџ II.

Тој бил роден во ноември, но сметал дека овој период од годината е престуден за било каква прослава. Па, решил да спои два настани во едно – да го прослави својот роденден на денот на воената парада позната како Trooping the Colour, која се одржувала во пролет.

Така традицијата за два родендени опстанува до ден денес.

Официјалниот, односно вториот роденден на кралицата, има флексибилен датум, но најчесто се одржува втората сабота во јуни.

М. Д. | Црнобело