Жена од фотографија од 9/11 го ангажирала истиот фотограф за својата свадба

Детали

сабота, 22 септември 2018

11 септември 2001 година беше кобен ден кој никогаш нема да биде заборавен ниту во САД, ниту пак во светот.

Голем број фотографи тогаш излегле на терен и ги направија најпотресните и најтрогателните фотографии од поновата американска историја. На една од нив е и Џоан Капестро, која имала среќа да стигне на приземјето и да се извлече пред зградата да се сруши врз неа.

Фотографот Фил Пенмен ја снимил фотографијата на која таа е прекриена со прашина, откако авионот удрил шест ката над нејзе и таа успеала за 22 минути да се симне по скали од 87-миот кат, пред кулата да доживее целосен колапс.

Пенмен ја забележал исплашената и испаничена жена како трча околу рушевините и ја снимил познатата фотографија.

Оваа година, таа отишла во меморијалниот музеј и ја препознала фотографијата. Веднаш го исконтактирала Пенмен, со помош на кустос од музејот и се договорила со него тој да биде главен фотограф на нејзината свадба.

За медиумите изјавила дека Фил (Пенмен) е човекот кој бил со неа во најлошиот ден од нејзиниот живот, па посакала да биде дел и од најубавиот.

Е. Д. | Црнобело