Италијанка 20 години го „чекала вистинскиот“, но не го дочекала и се омажила сама со себе

Детали

среда, 14 ноември 2018

„Може да имате бајка, дури и без принц. Ова е мојата свадба од соништата - само без принцот Шармантен“, вели 40-годишната Лаура.

Лаура Меси е 40-годишен фитнес инструктор од Италија. Таа минала години и години во потрага по вистинскиот и си ветила дека ќе се омажи за сама себе ако не го пронајде мажот кој ќе биде совршен за неа.

Oткако минала 20 години во лоши љубовни состаноци и со неуспешна потрага, одлучила да појде сама пред олтарот, а веста за нејзиниот потег ја пренесоа сите италијански медиуми.

„Им кажав на пријателите и семејството дека ако не ја пронајдам сродната душа до мојот 40-ти роденден ќе се омажам за сама себе“, изјави Лаура.

На нејзиниот голем ден имало 70 гости, многу храна и пијалаци, танцување и шишиња шампањ на кои пишувало „Сингл“. Таа по настанот дури и отишла на меден месец во Египет.

И покрај тоа што е среќна за прославата, Лаура признава дека ако некогаш пристигне господинот Вистински ќе биде среќна да се разведе од сама себе и да се омажи за него.

„Мојата среќа не зависи од маж. Цврсто верувам дека секој од нас прво мора да има љубов за себе. Може да имате бајка, дури и без принц. Ова е мојата свадба од соништата - само без принцот Шармантен.“

Бракот со сам себе, односно „сологамијата“ е тренд во Австрачија, Холандија и Велика Британија и сèпочесто се случуваат вакви церемонии.

С. С. | Црнобело