Како наставниците во светот се грижат за менталното здравје на учениците?

Детали

среда, 03 април 2019

Менталното здравје не смее да се запоставува, а една професорка има генијална идеја како учениците дискретно да кажат како се чувствуваат и да добијат помош.

Иако многумина го занемаруваат, сепак менталното здравје е многу важно и мора да се обрнува посебно внимание, дури и кај децата.

Ерин Кастиљо е професорка во средно училиште која дошла до генијална идеја како да допре до учениците.

Таа дизајнирала табела со посебни делови со изјави рангирани од - „Јас сум супер“, „Јас сум океј“ и „Јас сум онака“ до – „Јас се борам“, „Јас поминувам низ тежок период“ и „Јас се чувствувам мрачно“.

Учениците треба да го напишат нивното име на задната страна на самолепливо ливче и да го залепат во тој дел кој најдобро опишува како се чувствуваат во моментот.

На тој начин, професорката може да разговара со децата кои ќе го остават своето ливче во последните делови од табелата и да им помогне, без притоа тие да мораат да го откријат нивното име пред сите.

Тие години за децата може да бидат тешки понекогаш, но оваа професорка нашла одличен начин како да допре до нејзините ученици и да им помогне, како и да им даде до знаење дека не се сами во нивните борби, а нејзиниот метод е прифатен и поддржан од многумина. 

Овој концепт се прошири вирално на социјалните мрежи, а професорите од светот се инспирирале од овој одличен метод, па почнале да го применуваат и сами.

Одлична идеја која може да ја преземат и професорите кај нас и може да ја приспособат за своите ученици...

М. М. | Црнобело