Маж и жена половина век јадат мали парчиња од нивната свадбена торта

Детали

вторник, 20 август 2019

„Оваа торта за нас беше специјална, па веруваме дека јадењето од неа ни носи среќа во бракот. Плус, романтично е“, вели брачниот пар.

Во некои делови од светот традиција е брачните парови да смрзнуваат дел од нивната свадбена торта и да јадат од неа на првата годишнина од брак. Се верува дека тоа носи среќа.

Но, Дејвид и Ен Каубрн од Пенсилванија наместо една, ова го прават веќе 49 години.

Тие секоја годишнина јадат по мало парче од нивната свадбена торта, смрзната уште на 18 јули 1970 година.

Тортата од ванила смрзната пред половина век преживеала 5 преселби на брачниот пар,3 деца и 4 внучиња.

На децата на Дејвид и Ен забавна им е посветеноста на нивните родители секоја година да каснат по ронка од тортата.

Сигурно тоа го прават во симболично мала количина, бидејќи не се знае тортата во каква состојба е по толку години, иако тие велат дека ја чувале во совршени услови така што не била опасна по нивното здравје.

„Ова е забавна и романтична работа, па затоа го правиме. Тоа за нас беше специјална торта“, вели 74-годишната Ен.

С. С. | Црнобело