Нусрет (Salt Bae) објави видео од неговиот нов луксузен хотел - фановите забележаа незгода со бањарката

Детали

вторник, 27 октомври 2020

Популарниот месар и шеф Нусрет, познат како Salt Bae, си купи хотел со 5 ѕвезди, објави видео како ужива во него, но покажа и малку повеќе од што треба додека скокаше со бањарка на кревет.

Нусрет е познат месар, шеф и сопственик на ресторани, препознатлив по начинот на кој посолува, а го доби и надимакот Salt Bae.

Тој поседува ланец на ресторани низ светот кои се вистинска туристичка атракција и помеѓу гостите многу често се наоѓаат и славни личности. Некои посетители ја имаат среќата да начекаат јадењето да им биде подготвено и посолено токму од Нусрет. 

Покрај во угостителството, тој реши да се проба и во хотелиерство, па неодамна го купи Park Hyatt хотелот со 5 ѕвезди во Истанбул, за 50 милиони евра.

На Инстаграм тој објави видео во кое ужива на повеќе локации низ хотелот, шета низ луксузните ходници и соби, ужива на терасите со прекрасен поглед и храна, игра билијард, се релаксира во топла купка и сауна.

Сепак, највпечатлив е моментот кога од сауна се префрла на кревет, а на фановите и турските медиуми не им остана незабележан еден детаљ.

Облечен само во бањарка, тој скока на креветот, но во моментот пред да се покрие, бањарката малку му се отксрива, но очигледно тоа воопшто не го мачи. 

Целото видео може да го погледнете ТУКА, а моментот со бањарката ќе го најдете на 1:35.

М. М. | Црнобело