По ова - нема да јадете месо!

Детали

петок, 15 април 2011

Доколку имате слаб стомак, немојте да го гледате овој филм. Може да ви се слоши, а најверојатно ќе се одлучите да престанете да јадете месо. Дали е возможно?

Погледнете, па пробајте.

Филмот е направен врз основа на собрани снимки кои ПЕТА и други организации за етичко третирање на животните ги снимиле во тајни истраги на различни фарми во Америка. Ако се во прашање екстремни примери, повеќето прикажани во филмот навистина се спроведуваат.

Животните го поминуваат својот животен век затворени во кафези од кои не можат дa мрднат. Само главите им излегуваат надвор. Ги кастрираат и жигосуваат без анестезија, ги колат живи за месото наводно да има поубав вкус... жал ни е, а и понатаму ги јадеме...

Кога примитивните луѓе убивале животни за време на лов, изведувале ритуали со кои се извинувале на духот на животните. Месото денес поминува низ целосен процес на обработка, така што веќе ни естетски не потсетува на направеното убиство. Додека јадеме шницла, воглавно не сакаме да си го замислиме колењето на прасето.

Што е она што современиот човек го прави попримитивен од примитивниот? Една особина која со развојот на цивилицијата се загубила. Зошто луѓето некогаш се извинувале на животинските духови?

Тие виделе дека животните се суштества, малку поинакви од нив, но со глава и очи. Додека културата се уште не ја згазила природата, луѓето верувале дека не се над животните. Набрзо тоа се променило и ја увиделе својата моќ.

Кој сега се грижи за правата на животните...