Трамп е баниран од Фејсбук заради нередите во САД - Непријатни моменти кои се случија во првата недела од 2021 + неколку позитивни

Раперот познато како Доктор Дре беше хоспитализиран откако имал мозочна аневризма.

Тања Робертс, една од попознатите „Бонд девојки“ почина, а нејзината смрт беше најавена додека таа уште беше жива. Подоцна портпаролот што ја даде изјавата се извини за грешката.

Мјузиклот Ratatouille: The TikTok Musical собра над 1 милион долари за The Actors Fund – фондација што им помага на артистите ширум светот.

Петриња во Хрватска беше погоден од уште еден земјотрес, со јачина од 4,9 според Рихтер.

На 53-годишна возраст, почина еден од најдобрите македонски виолинисти, Зоран Џорлев, поради компликации од ковид.

Првата недела од 2021-ва беше вистинска „луда железница“, но сепак не е сè така лошо:

Новороденчињата во Аџибадем Систина облечени како новогодишни подарочиња беа прекрасна честитка за Нова година.

Празничната сезона ги обедини семејствата и ги потсети луѓето што е најважно во животот.

2021-ва почна забавно во зоолошката во Скопје – се родија четири јагненца, лама и едно мајмунче.

Имате ли да додадете уште нешто?

Спирова С. | Црнобело