Руска инфлуенсерка стана мета на критики, откако позираше гола на слон од загрозен вид

Детали

четврток, 25 февруари 2021

„Кутар слон. Не ли се срамиш да лежиш гола на слонот? Тоа е живо суштество.“, е еден од осудувачките коментари за 22-годишната Русинка.

Алесија Кафелникова е руска инфлуенсерка со повеќе од 555.000 следбеници на Инстаграм, која побуди револт кај многумина откако гола лежеше на слон од загрозен вид на Бали, Индонезија.

Краткото видео што го сними 22-годишната Русинка легната врз слонот ги згрози нејзините следбеници и таа доби многу критики.

Според магазинот „The Sun“ станува збор за суматрански слон, вид кој е многу загрозен.

Алесија го отстрани видеото од својот Инстаграм профил, но скриншот од истото кружи по светските медиуми.

Инаку, таа е ќерка на поранешен руски тениски шампион.

Еден од осудувачките коментари за потегот на Алесија гласи: „Кутар слон. Не ли се срамиш да лежиш гола на слонот? Тоа е живо суштество. Парите фрлија сенка на сѐ“.

„Уште една трагична тривилизација на маестралниот азиски слон, кога видот се бори за своето постоење наспроти бруталната злоупотреба од туризмот и забавата за луѓето“, е уште еден од коментарите.

Во последно време навистина е згрозувачки што за собирање на следбеници и заработка од Инстаграм се прават низа бесмислени работи.

На Инстаграм уште стојат нејзините фотографии од Бали:

С. С. | Црнобело