„Облеката на мојот 15-месечен син вреди 12.000 евра - носи Burberry, Gucci и Versace“

Детали

среда, 24 март 2021

„За мене едвај си купувам нешто евтино, го носам истиот пар фармерки со години, но сакам мојот син да изгледа беспрекорно“, вели Лори од Лондон.

Лори од Лондон е мајка на 15-месечно момче која открива дека гардероберот на нејзиното синче е преполн со дизајнерски парчиња и дека во неговата облека има инвестирано околу 12.000 евра.

Таа вели дека нејзиниот син од глава до петици го облекува во брендирани парчиња, како што се Burberry, Gucci и Versace, а пак таа за себе купува облека во евтини продавници за да може да заштеди за на своето малечко да му овозможи луксуз.

„Често ги жртвувам своите потреби за мојот син Денвер за да го има само најдоброто. Мојот гардеробер е мал во споредба на Денвер, а тој уште нема наполнето ниту 2 години. Некои парчиња се случува да ги носи само еднаш затоа што брзо ги израснува“, вели Лори.

И додека многумина ја критикуваат за ова однесување и велат дека тој може да биде подеднакво среќен во фармерки и маичка купени во обична продавница, без таа да инвестира цело богатство, Лори тврди дека за својот син го сака само најдоброто и сака тој да биде најдобро облеченото момче.

„Сакам Денвер да изгледа добро и тоа ме прави среќна. Тој нема идеја колку чинат парчињата што му ги купувам. Тој наверојатно би сакала да носи маичка со некој Дизни лик, но јас сакам тој да изгледа стилски за специјални пригоди. Поважно ми е моите деца да изгледаат добро, отколку јас“, заклучува Лори, која има уште две деца, едно на возраст од 10 и друго на возраст од 14 години.

Што мислите за однесувањето на оваа мајка? Дали цената на облеката одредува добар стил?

С. С. | Црнобело