Принцот Хари живее како „обичен“ човек на плажа со кучето + обвинети со Меган дека лажеле за тајната венчавка

Детали

петок, 02 април 2021

Принцот Хари веќе е како секој „обичен“ човек откако целосно се одвои од кралското семејство и беше забележан како си игра со неговото куче на плажа, а во меѓувреме, свештеникот што ги венчаше изјави дека тој и Меган лажеле за тајната венчавка која наводно се случила пред официјалниот настан.

Принцот Хари сè повеќе се привикнува на „обичниот“ живот, кој очигледно му годи. Неодамна тој си најде работа, а деновиве, пак, беше забележан на плажа во Калифорнија, како си игра со кучето што го чуваат со Меган.

Хари носеше бела маичка и тегет кратки панталони, како и бејзбол капче, а според фоките кои беа ексклузивно објавени од страна на магазинот People, се чини дека навистина ужива во „нормалниот“ живот.

„Беше навистина опуштен. Има одличен однос со неговото куче и го шета без поводник. Веќе изгледа како локален жител кој си ужива во денот и опуштено шеташе бос по плажата“, вели извор близок до Хари.

Хари и Меган го чуваат кучето од 2018-та, а му го дале името Пула. Наводно, за името биле инспирирани од Боцвана, односно тамошната валута – пула – бидејќи тоа им беше првото заедничко патување како пар.

Во меѓувреме се појавија нови контроверзии во врска со нивното ексклузивно интервју со Опра. Во интервјуто Меган откри дека таа и Хари се венчале неколку денови пред официјалната венчавка.

Наводно, тие сакале церемонија само за нив двајцата, па се венчале во тајност, а на настанот не присуствувал никој друг освен свештеникот кој ги венчаше и на официјалната церемонија.

Ова значи дека венчавката што ја следеше целиот свет, која се одржа на 19-ти мај 2018-та, на некој начин, била лажна.

Сега, пак, се огласи свештеникот, односно архиепископот од Кантербери, кој ги венчаше на официјалната венчавка, прво со изјава за италијански медиум, која подоцна беше потврдена и од CNN:

„Легалната венчавка се случи на 19-ти мај 2018 година. Јас го потпишав сертификатот, кој е легален документ. Ова значи дека јас би сторил сериозно кривично дело ако го потпишев документот знаејќи дека е лажен. Сами донесете заклучок од ова. Но, легалната венчавка беше на 19-ти. Сепак, не зборувам што се случувало на претходните состаноци со нив“.

Според изјавата на архиепископот, Хари и Меган дефинитивно стапиле во брак за време на кралската венчавка, но можно е да си направиле приватна церемонија само за нив, без потпишување документи. Бидејќи свештеникот не открива ништо друго, ни останува само да претпоставуваме.

Хари и Меган најавија дека се повлекуваат од кралското семејство во јануари минатата година, најмногу поради огромниот притисок од јавноста и медиумите.

Во интервјуто на Опра открија и дека додека биле во палатата се соочувале со расизам, а Меган страдала од депресија и никој не сакал да ѝ помогне.

Наводно, после интервјуто Хари го заладил односот со кралското семејство, а кралицата Елизабета изјави дека сериозно ќе ги разгледа обвиненијата за расизам во палатата.

Погледнете и Загриженост на семејството за бојата на кожата на бебето, тајна венчавка – Што сè открија Меган и Хари во шокантното интервју кај Опра?

Спирова С. | Црнобело