Девојка живее во најизолираниот град во Канада, најблискиот маркет ѝ е на 544km - како се снаоѓа?

Детали

сабота, 20 ноември 2021

Со ограничена видливост, по мраз и снег и без мрежа на телефонот, Шинед Медер патува два дена и поминува 544 километри до најблискиот супермаркет за да купи храна. Погледнете како изгледа нејзиниот живот...

Дали и вие во домот се расправате за тоа кому му е ред да оди во продавница? Помислете само на оваа жена и навистина ќе сфатите дека кревате врева без причина. Нашата петминутна прошетка до супер-маркетот е ништо во споредба со патот што оваа жена го поминува за да ги обезбеди најнеопходните продукти.

Шинед работи како онлајн нутриционист и е доста активна на социјалните мрежи, а на ТикТок споделува видеа од тоа како ѝ изгледа животот во изолираниот град Бивер Крик во Канада, каде живее заедно со нејзиниот партнер.

Шинед на секои шест до осум недели патува по 544 километри за да стигне до најблискиот супермаркет. Како што појаснува во видеото, таа вози околу четири часа во еден правец, во тешки услови, по снег и мраз, а цело време нема мрежа на телефонот.

Како што вели, кога патува во зима, најчесто преноќува во главниот град каде што се наоѓа супермаркетот, па следниот ден тргнува дома.

„Видливоста на патот е ограничена дури и во добри временски услови. Може да се случи на патот да се појави животно или да ви се расипе автомобилот, или да не видите дека доаѓа друг автомобил, а немате мрежа на телефонот“ – појаснува таа во видеото.

@sineadmeader

##northernliving ##yukon ##questionsigetasked ##isolatedlife

♬ original sound - Sinead Meader

Јукон е најмала од трите области во Канада и се наоѓа во најзападниот дел. Бројот на жители во целата област изнесува околу 36.000. Главниот град на област е градот Вајтхорс, каде живее околу 75 отсто од населението.

Погледнете што вообичаено купува кога оди по храна:

@sineadmeader

##groceryshopping ##isolatedlife ##Yukon ##northern ##northernlife ##vegan ##nutrition

♬ Still Into You Drill - ShoBeatz

Шинед појаснува дека и во нејзиното гратче има мала продавница со бензинска пумпа, но изборот е многу мал, а цените се мошне високи. Во едно патување за храна Шинед троши околу 1.000 канадски долари, или околу 700 евра.

Погледнете како изгледа нејзиниот процес на облекување за секое излегување од домот:

@sineadmeader

##yukon ##northernliving ##nativetiktok ##aboutme ##followme ##November ##canada ##greatcanadiannorth ##lifebelowzero

♬ original sound - Sinead Meader

Б. С. Б. | Црнобело