Без срам ми велат: „Премногу си дебела за него – како улови маж како него?“

Детали

петок, 26 ноември 2021

Една девојка решила да им возврати на злобните коментари на луѓето кои не ѝ веруваат дека е во врска со „мускулест“ маж, додека таа е, како што велат, „дебела“.

Поради нејзината порака, таа стана ѕвезда на TikTok, и сè што сака е луѓето да престанат да го коментираат нејзиното тело, бидејќи таа тврди дека е совршено среќна таква каква што е.

Алиша Мекарвел ги откри најнепријатните прашања кои ги добила поради врската со маж кој е „позгоден“ од неа.

„Ми поставуваат прашања од типот: „Како дебела жена може да излегува со мускулест маж“, открила таа.

Алиша тврди дека ја прашале дали му е „спонзор“ на сопругот, на што таа рекла дека сам заработува. Таа додала дека непознати луѓе ја прашувале дали нејзиниот маж ја „присилува“ да оди во теретана, на што таа одговорила: „Тој не ме тера на ништо“.

Алиша ги советува луѓето да се грижат за својата врска, наместо да ја караат затоа што е среќна со сопругот.

„Многу е важно да препознаете дека она што го мислите за себе не е она што луѓето го мислат за вас. Во поголемиот дел од нашата врска, верував дека нема шанси Скот да ме сака, затоа што јас не се сакав себеси и едноставно тоа не функционираше така. 

Правев претпоставки, предизвикував кавги, правев да се чувствува како да не му верувам, го оттргнував, го одвлекував од интимноста, измислував приказни во мојата глава, ги претворав малите работи во големи работи. Кога ја одвоив мојата вредност од тежината сфатив колку сум вредна во оваа врска и мојот начин на размислување се промени. И да бидам искрена, би бил 'глуп' да не ме сака“.

„Ви го кажувам ова затоа што сакам да бидете сигурни дека додека се движите низ вашето патување кон самољубие, нема да го проектирате она што го мислите за себе на другите. Поминувам многу од моето време извинувајќи се за годините кога ги проектирав стравовите и не дозволував Скот да ме сака онака како што тој сакаше. Не правете ја мојата грешка“, рече таа на TikTok.

Повеќе фотографии од неа тука „Јас сум полничка девојка со дечко бодибилдер - зошто сите мислат дека ме изневерува?“

(О)Милена | Црнобело