Девојка си прави селфи качена на автомобилот, додека тој тоне во замрзната река (фото+видео)

Детали

четврток, 20 јануари 2022

„Таа си го овековечуваше моментот со селфи додека луѓето брзаа да ѝ помогнат и беа загрижени за неа“, е еден од осудувачките коментари на Твитер.

Жена од Канада доживеа незгода со автомобилот и заврши во замрзната река во главниот град Отава.

Таа стана вирален хит на Твитер поради фотографиите на кои си прави селфи качена на автомобилот што тоне додека луѓето од околината се трудат да ја спасат со помош на кајак.

Стои на покривот од автомобилот, додека поголемиот дел од него е потонат во смрзнатата река.

Уште не е утврдено дали таа намерно возела по замрзнатата река или излетала од патот. Полицијата од Отава вели дека реката некаде има цврст мраз, но дека на некои места е тенок и ситуацијата е многу непредвидлива и затоа жителите постојано добиваат предупредувања дека е опасно да се движат по мразот.

На крајот, локалците со помош на кајак ја извлекле жената од тенкиот мраз неповредена.

Но, нејзината постапка покрена лавина од реакции на Твитер.

„Таа си го овековекуваше моментот со селфи додека луѓето брзаа да ѝ помогнат и беа загрижени за неа“, е еден од осудувачките коментари на Твитер.

Сцената од Канада:

?ref_src=twsrc%5Etfw%7Ctwcamp%5Etweetembed%7Ctwterm%5E1482881116621127680%7Ctwgr%5E%7Ctwcon%5Es1_&ref_url=https%3A%2F%2Fwww.dailymail.co.uk%2Fnews%2Farticle-10411983%2FWoman-driving-frozen-river-Canada-crashes-ice-takes-selfie-standing-roof.html

С. С. | Црнобело