Дечко е мета на критики откако ја запросил девојка му на погребот на татко ѝ – бизарно или емотивно? (видео)

Детали

четврток, 12 мај 2022

„Како да се радуваш кога си во толку голема болка?“ - Маж од Јужна Африка е критикуван за тоа што ја побарал за жена партнерката пред ковчегот на нејзиниот татко, за време на погребот, додека некои го оправдуваат што сакал да го направи тоа пред нејзиниот починат татко. 

На социјалните мрежи вирално кружи видео од бизарно запросување, кое предизвика низа коментари од луѓето ширум светот.

Корисник на ТикТок објави видео на кое ја запросува својата расплакана партнерка за време на погребна церемонија на нејзиниот татко.

Повеќето се сложуваат дека е погрешна одлука тоа што дечкото го искористил за себе моментот кога девојката жали за починатиот татко и приредил непријатна сцена пред останатите, додека пак други сметаат дека случката е емотивна.

Според DailyMail, непотврдени извори тврдат дека наводно дечкото бил свештено лице и ја водел церемонијата за погребување, а се претпоставува дека сакал да ја побара нејзината рака за да ѝ ја ублажи болката и скршеното срце.

Дел од коментарите на видеото гласат:

„Никогаш не треба да се искористуваат емоциите на девојката, не размислувала трезвено“.

„Непочитување на највисоко ниво“.

„Требало да почека да помине погребот, како да се радуваш кога си во толку голема болка?“

„Ова овде е погрешно“.

„Луѓе, дечкото сакал да го направи тоа пред нејзиниот починат родител... нема ништо лошо. Ако сте духовни ќе го разберевте ова“.

„Можеби неговата желба била да ја запроси додека нејзините родители биле уште живи, но...“

https://www.youtube.com/watch?v=sb8vg1euA_M&t=30s

Непознато е каков одговор дала девојката и што се случило потоа, но на видеото се гледа дека таа го задржува прстенот.

М. М. | Црнобело