Првпат во историјата, насловната страница на Sports Illustrated ќе ја краси модел со лузна од царски рез
- Детали
- петок, 13 мај 2022
Кели Хјуз е првата жена во историјата на Sports Illustrated која гордо позира со лузната од нејзиниот царски рез, и тоа на насловната страница на магазинот.
Навикнати сме на насловните страници на популарните магазини да гледаме совршени женски тела. Целулитот, стомачето, па и лузните со царски рез и други зафати, како да не постојат кај нив.
Но, овие правила постепено се менуваат. По моделите со стомаче и некој килограм плус, сè почесто гледаме и други „несовршености“.
И познатиот магазин Sports Illustrated почна да го следи овој тренд, па насловната страница на нивното ново издание ќе ја краси Кели Хјуз која гордо позира со лузната од царскиот рез.
„Со гордост ги славиме сите мајки кои имаат лузни од царски рез со Кели Хјуз која е првата жена што ја покажува лузната од царски рез во историјата на магазинот!
Да им дадеме љубов на сите мајки и да ја спознаеме моќта на женското тело и убавината на мајчинството“, пишува во објавата на еден од официјалните Инстаграм профили на магазинот.
И Кели ја сподели фотографијата на Инстаграм, истакнувајќи дека е почестена.
„Јас сум без зборови и вистински сум почестена да бидам првата жена што си ја покажува лузната од царски рез во историјата на магазинот.
Имав проблеми со несигурност поради мојата лузна бидејќи сум модел и не закрепнав сè додека не ја прифатив мојата лузна и ја искусив моќта што ја крие“.
Да се надеваме дека сите ќе го следат овој пример и конечно ќе ги нормализираме неверојатните промени низ кои минува женското тело за време на и по бременоста.
Повеќе фотки од Кели во продолжение:
Спирова С. | Црнобело
Би можело да ве интересира:
Препорачуваме
Најчитани неделава
