Швајцарија им дозволува на граѓаните да го заштедат и депонираат своето време во банка - дали овој концепт би успеал во Македонија?

Детали

понеделник, 25 јули 2022

Сите сме ја слушнале фразата „времето е пари“, нели? Швајцарија како земја направи чекор подалеку во вистинската примена на овој концепт. Што значи тоа и дали би успеало во Македонија? 

Швајцарските државјани всушност можат да го „заштедат и депонираат“ своето време во банки, па дури и да го заменат за посакуваните стоки и услуги.

Звучи лудо, но, тоа е вистина.

Што значи концептот „банка за време“?

Швајцарското Министерство за здравство го создаде концептот „временска банка“ како програма за помош на стари лица, според која помладите луѓе можат доброволно да се грижат за старите лица на кои им е потребна помош.

Потоа, бројот на часови што ги поминуваат со постарите лица е депониран на нивната индивидуална сметка за социјално осигурување.

Кога волонтерот ќе ја достигне таа старост кога ќе му треба поддршка, оваа „временска банка“ може да му помогне и да се грижи за волонтерот.

Освен грижа за стари лица, услугите засновани на време, кои можат да се дадат на оние на кои им е потребно, вклучуваат консултации, чување деца, фризерски услуги, градинарство, менторство или која било друга работа што одзема повеќе време.

Кои други земји го применуваат овој концепт?

Изненадувачки, ова не е нов концепт за светот. Покрај Швајцарија, околу 34 земји веќе почнале да го применуваат, вклучително и Англија која веќе го усвои планот кој започна во 2000 година, како и САД, Јапонија, Нов Зеланд, Шпанија, Грција, Индија и други.

Сингапур, исто така размислува да го стори истото, а дали ова би успеало во Македонија?

M. Г. | Црнобело / фото: depositphotos.com