Хит видео: Девојче плаче затоа што треба да порасне и да прави здодевни работи (како миење чинии)

Детали

вторник, 23 август 2022

Видео кое ќе ве потсети колку ни беше убаво кога бевме мали и верувавме дека ќе бидеме принцези (принцови) цел живот... Детството има посебна магија, зарем не?

Видео од 5-годишно девојче од Шкотска го освои светот... Малата Орла МекЕвити плаче откако дознава дека не може цел живот да биде принцеза и дека треба да порасне и потоа да прави здодевни работи како миење чинии и купување храна.

Нејзината 25-годишна мајка Кетрин Стафорд-Гринли вели дека многу ѝ била забавна драматичната реакција на ќерка ѝ, па одлучила да ја сними.

„Јас ѝ објаснив дека кога ќе порасне ќе мора да ги извршува домашните задачи, а неа ја фати паника и сфати дека не е забавно да се биде возрасна личност.

Се вознемири кога сфати дека растењето не е така како што го замислувала. Таа мислеше дека ќе биде принцеза засекогаш“.

Погледнете го слаткото видео во кое малата Орла МекЕвити кажува зошто не сака да порасне, а со кое најверојатно и вие ќе се согласите:

С. С. | Црнобело