Принцот Хари е гневен на новиот крал – заради него не успеа да ја види за последен пат баба му Елизабета

Детали

петок, 23 септември 2022

„Чарлс ѝ забранил на Меган да присуствува на погребот, а заради расправијата принцот не успеал да се поздрави со баба му“ – не стивнуваат пишувањата во британските медиуми за Меган Маркл и Хари и за нивниот однос со кралското семејство.

Хари и Меган по погребот на кралицата Елизабета се вратија во нивниот дом во Монтесито, Калифорнија за да бидат со нивните деца Арчи и Лилбет, но не стивнуваат шпекулациите поврзани со нивното појавување за време на настаните поврзани со погребот.

По заедничкото појавување со Вилијам и Кејт и другите членови на семејството, сите го поставуваат прашањето дали Хари и Меган конечно ќе успеат да ги поправат односите.

Британскиот весник The Sun, се навраќа на денот кога Елизабета Втора почина, па пишува дека Хари бил гневен заради односот на неговото семејство па дури и одбил да оди на вечера со татко му и со брат му.

Наводно, Чарлс му забранил на Хари да ја донесе Меган Маркл во Балморал на 8-ми септември, односно денот кога кралицата почина.

Хари сакал неговата сопруга да го придружува во Шкотска, но Чарлс му се јавил и му рекол дека воопшто не е пристојно жената што јавно говори против кралското семејство да дојде со него.

Наводно, заради расправиите Хари го пропуштил авионскиот лет и не стигнал да се поздрави со својата баба.

Хaри бил толку гневен што вечерта одбил да вечера со Чарлс, Камила и Вилијам.

Од друга страна пак, Page Six пишува дека Хари воопшто немал можност да ја одбие вечерата со татко му, затоа што кога пристигнал во Балморал, Чарлс веќе бил отсутен и тргнал на пат кон Лондон.

Но, тука не престануваат шпекулациите поврзани за односот на Хари со кралското семејство.

Page Six објави статија во која пишува дека додека цело семејство се собираше да се збогува со кралицата Елизабета, принцот Хари за нејзината смрт дознал од медиумите.

Тагата на лицето на принцот е забележителна на фотографиите на кои се гледа како тој со автомобил пристигнува во дворецот Балморал во Шкотска, на 8-ми септември, денот кога почина кралицата, а се појавија фотографии на кои се гледа дека тој прегрнува една вработена на аеродромот која го теши по смртта на кралицата.

Различни луѓе вработени во палатата даваат различни извештаи за медиумите, па така едни велат дека Чарлс уште утрото му се јавил на Хари и го повикал да пристигне во Шкотска, додека пак, други тврдат дека никој не му се јавил за да му каже дека баба му е на смртна постела.

Односот на Хари и Меган и натаму ќе биде предмет на шпекулации и теории во медиумите.

Засега се знае дека принцот најверојатно ќе го одложи објавувањето на неговата книга мемоари во која требаше да бидат вклучени голем број тајни поврзани со животот во семејството.

Б. С. Б. | Црнобело