„Не смеете да имате вишок килограми“ – српска стјуардеса открива на што внимаваат авиокомпаниите

Детали

среда, 07 декември 2022

„Жените што се фарбаат не смеат да имаат подрасната коса, лакот за нокти не смее да биде излупен“ – ова се само некои од ситниците на кои авиокомпаниите обрнуваат внимание при вработување на стјуардеси.

Патувањата на егзотични локации и високите плати се едни од причините заради кои голем број девојки се одлучуваат да работат како стјуардеси, а познато е дека за оваа професија потребно е солидно познавање на англискиот јазик, а од пресудно значење за вработувањето е и физичкиот изглед на кандидатките.

Поранешната српска стјуардеса Кристина Грабеж, позната и како Тина редовно објавува видеа на социјалните мрежи во кои открива помалку познати детали за професијата, но и одговара на прашањата упатени до неа од следбениците.

Така во едно видео Тина се обиде да даде одговор на прашањето: „Дали е вистина дека мораш да имаш одреден физички изглед за да можеш да бидеш стјуардеса?“.

„Никаде во описот на оваа професија не стои дека мора да бидете убавица. Стјуардесите мора да бидат уредни, негувани, ако се фарбаат не смеат да имаат подрасната коса, фризурата мора да им биде уредна, не смеат да имаат излупен лак на ноктите и мораат да имаат уредна шминка“ – појаснува Кристина.

@tinagrabez Reply to @sarcasmonly__ #fyp #stjuardesa #tiktokbalkan #tiktoksrbija #posaoizsnova ♬ White Air Forces - Pat

Што се однесува до физичките атрибути поранешната стјуардеса појаснува дека стјуардесите не смеат да имаат вишок килограми и мора да имаат одредена височина за кога ќе се истегнат на прсти да можат да дофатат височина од 210 или 212 центиметри.

Во друго видео, пак, Кристина појаснува како треба да изгледа шминката на стјуардесите, при што нагласува дека авиокомпаниите имаат строго пропишани правила за тоа кои нијанси на кармин и лак за нокти може да ги користат стјуардесите.

„Во поголемиот број авиокомпании шминката е задолжителен дел од униформата на сите женски членови на посадата“ – вели таа.

@tinagrabez Evo kako se stjuardese šminkaju za let✈️? #stjuardesa #tiktokbalkan #stjuardesinapriča #cabincrew ♬ Monkeys Spinning Monkeys - Kevin MacLeod & Kevin The Monkey

Тина вели дека задолжително сите стјуардеси на себе и со себе мора да носат: пудра за лице, руменило, кармин, сенка за очи, маскара и лак за нокти. Дополнително, жените може да носат и ајлајнери и друга шминка.

 Б. С. Б. | Црнобело