Вознемирувачко видео од Индија го згрози светот: Силувано девојче (12) моли за помош додека сите ја снимаат наместо да ѝ помогнат

Детали

четврток, 27 октомври 2022

На социјалните мрежи масовно се шири видео од Al Jazeera на кое се гледа како 12-годишно девојче кое било жртва на силување лежи на земја и моли за помош, а околу неа се собрани мажи, кои наместо да ѝ помогнат, ја снимаат со мобилните телефони. До каде ќе оди ова општество и нечовечноста? 

Според индиските медиуми, сѐ уште не е јасно дали девојчето било силувано, властите информираат дека девојчето веднаш било пренесено во болница и дека случајот бил пријавен од нејзиното семејство.

Наводно, девојчето излегло од дома за да си купи касичка попладнето, а кога не се вратило по неколку часа родителите станале загрижени.

Се шпекулира дека најверојатно девојчето било силувано од повеќе мажи и фрлено на улица, каде додека молело за помош, било снимано од друга толпа мажи кои пак ја објавиле снимката на социјалните мрежи.

Индија има огромен проблем со случаите на силувања, така во 2020-та година биле пријавени вкупно 28.000 случаи на силување. Снимката која масовно се споделува на социјалните мрежи, предизвика гнев кај голем број корисници, кои се згрозени од нечовечноста на луѓето што само го снимаат девојчето и не му помагаат.

„Одлучив да не го споделам видеото од мажите што го снимаат 12-годишното девојче што беше сексуално нападнато во Индија. Мислам дека најголема грешка е што телефоните имаат камери. Повеќето луѓе не треба да ги имаат“ – се вели во еден твит.

„Ми се крши срцето. 12-годишно девојче е безмилосно силувано од некои ѓаволи. Нема безбеден живот за девојчињата во Индија“ – стои во друг твит.

„Во Индија, 12-годишно девојче е силувано и луѓето наместо да му помогнат, го снимаат додека тоа лежи крваво. Срамота. Вака ли треба да го користиме технолошкиот напредок?“

Б. С. Б. | Црнобело