„Покажа дека е принц на народот“ - Хари со емотивна божиќна порака за децата што загубиле родители (видео)
- Детали
- понеделник, 05 декември 2022
„Тој е единствениот принц од народот. Принц на срцата“, „Мајка му го викаше ‘добриот принц Хари’ – гледаме зошто“, „Ти си најдобриот принц“ – Ова се само дел од коментарите што следуваа по емотивната видео порака на принцот Хари, упатена до дечињата што загубиле родители во армијата.
Принцот Хари сними емотивна божиќна порака наменета за децата на војниците што го дале сопствениот живот додека служеле за Британската Армија.
Околу 100 дечиња присутни на настанот од добротворната организација Scotty’s Little Soldiers имаа можност да ја проследат специјалната порака што принцот Хари ја сними за нив и со која започна настанот.
„Божиќ е празникот кога најмногу ни недостасуваат саканите и тоа е во ред. Не треба да се чувствувате виновни затоа што се забавувате без вашите родители.
Сакам да ви кажам дека нашите родители секогаш сакаат да се забавуваме. Нема потреба да чувствувате вина, дозволено ви е да се забавувате.
Затоа излезете, поминете си најдобро што може и Среќен Божиќ“ – им порача Хари на дечињата и ја извади маската од Спајдермен.
Видеото беше споделено на поголем број социјални мрежи, а неговата емотивна и искрена порака им се допадна на многумина, кои се потсетија на тоа дека неговата мајка, принцезата Дијана го нарекуваше ‘добриот принц Хари’, а други пак велат дека тој е вистински ‘принц на срцата’ и ‘принц од народот’.
Оваа порака следеше само неколку дена по објавувањето на официјалниот трејлер за новиот документарен филм што ќе се емитува на Netflix, Harry and Meghan, а за кој се крена голема прашина во британските медиуми.
Б. С. Б. | Црнобело
Би можело да ве интересира:
Препорачуваме
Најчитани неделава
