Волшебни фотки и видеа од шпанскиот остров Мајорка по неочекуваните врнежи од снег

Детали

вторник, 28 февруари 2023

Шпанскиот остров Мајорка се соочи со неочекувани врнежи од снег, а на повисоките места, снежната покривка достигнала и до 50 сантиметри.

Мајорка нè асоцира на топло време, дури и во зима, но сега шпанскиот остров се соочи со врнежи од снег – нешто што е вистинска реткост.

На повисоките места на островот наврнале и до 50 сантиметри снег, а неколку патишта беа и затворени поради снежната покривка.

Температурите се спуштиле и до -2 степени Целзиусови. За споредба, во зима, дневната температура на островот се движи помеѓу 15 и 16 степени Целзиусови.

Врнежи од снег, пак, има само на највисоките места на островот, и тоа релативно ретко. Според објавите на некои локалци, ова е првпат по 11 години да се појават обилни врнежи од снег и на пониските делови.

На Твитер масовно се споделуваат фотки и видеа од побелениот остров од кои повеќето изгледаат надреално.

Дел од објавите во продолжение:

Спирова С. | Црнобело