„Бев на панаѓур во гратчето Аминдеон во Грција - патував 1 час од Битола, а ме изненадија евтините цени“

Малото гратче Аминдеон, се наоѓа во соседна Грција, оддалечено на само еден час од Битола. Секоја година во октомври таму се одржува панаѓур, а искуството беше незаборавно: евтина облека, вкусни специјалитети и дружење – тоа беше искуство што вреди да се доживее.

Претходниот викенд патот ме однесе во една навистина посебна авантура во Аминдеон, каде традиционално секоја година се одржува голем панаѓур.

Оваа традиција започнала уште од многу одамна, а месецот октомври е секогаш резервиран за овој панаѓур кој трае четири дена (05.10 – 08.10).

Секоја година бројот на посетители е сè поголем и поголем, особено поради големиот број тезги на кој се нудат најразлични производи.

Почнувајќи од облека, украси, кујнски прибор, алати, миленичиња од типот на риби, хрчак, зајак, па сѐ до превкусната грчка традиционална храна како: локумадес, гиро, грчка алва и баклава и др.

Сигурно барем еднаш во вашиот живот сте слушнале за малото гратче наречено Аминдеон кое се наоѓа во соседна Грција.

Оддалечено на само еден час од градот Битола.

Посетеноста е навистина голема особено поради ниските цени, outlet облеката како и самата атмосфера која морате да ја почувствувате.

Секој штанд е прекриен со куп од облека во кој ги има сите големини и сите можни дезени кои некогаш сте ги замислиле.

Панаѓурот се одржува на самиот плоштад во градот каде доаѓаат продавачи од сите локални места во Грција и ги продаваат своите производи.

Некои се толку соживеани со својата улога што викаат многу гласно мислејќи дека така ќе продадат нешто и ќе те убедат да им купиш.

А доколку сакате да се ценкате, тогаш тие многу решително ќе ја отфрлат вашата понуда.

Искрено јас не купив нешто многу, можеби повеќе поради тоа што цените беа многу слични како во Македонија.

Купив едни навистина убави папучи за 4 евра и долни тренерки за 5 евра. Да бидеме реални ова беше навистина исплатливо.

Реката од народ којшто одеше од тезга на тезга, која пробуваше и внимателно го гледаше понуденото, со себе носеше полни торби со купени работи.

Доколку би требало да ви го опишам моментот, тогаш со сигурност би ви кажал дека не знаев каде попрво да се погледнам. Шаренило и многу разновидности на сите страни.

Едноставно се пробивавме во толпата и едвај успевавме да се разминеме.

Дури на неколкупати знаевме да се пошегуваме, дека во секој момент ќе проработи нашата анксиозност и паника од луѓе.

Продолжува на следната страница...