„Бев на панаѓур во гратчето Аминдеон во Грција - патував 1 час од Битола, а ме изненадија евтините цени“

Малото гратче Аминдеон освен што ни го понуди панаѓурот, домаќински не угости во автентичните локали и кафе барови.

Па слободно можам да кажам дека после големата гужва, овој освежителен пијалак навистина добро ни дојде.

Секој кафе бар беше приказна за себе од кој зборуваше неговиот уникатен интериер.

Ако си во Грција, тогаш мора да пробаш гиро или локумадес, па според оваа девиза тргнавме и ние.

Откако ни здодеаја штандовите со гардероба, отидовме да јадеме нешто.

Скарите на кои се печеше месото, големиот број на келнери кои те покануваат да седнеш кај нив и да пробаш од тоа што приготвуваат беа нешто навистина убаво за памтење.

Тука беа и штандовите на кои се продаваа различни видови на слатки. Ја имаше превкусната раванија, малите баклавчиња и алвата прекирена со јатки ореви, сладолед.

Се печеа костени и пченка.

А во масло се пржеше и локумадесот. Мора да ви кажам дека не му одолеав на мирисот и изедов една порција локумадес прекриен со чоколадо.

Вкусот ме остави без зборови.

Навистина ми е мило што дознав за оваа традиција која владее секој октомври во Аминдеон.

Прекрасно искуство кое секогаш ќе го паметам.

Атмосфера која морате барем еднаш во вашиот живот да ја почувствувате.

Доколку некогаш патот ве носи до тоа место, бидете сигурни дека доколку го посетите нема воопшто да се покаете.

©CRNOBELO.com Забрането преземање и копирање. Крадењето на авторски текстови е казниво со закон.

А. Б. | Црнобело