Серија што ја гледавме во детството – Се сеќавате ли на „Мајмунчето Алис“?

Ако сте растеле кон крајот на 80-тите и на почетокот на 90-тите речиси е невозможно да не ја помните серијата за деца што се емитуваше на македонската радио телевизија, а кај нас беше насловена „Мајмунчето Алис“.

Серијата оригинално беше насловена Chimpmates (Пријатели на шимпанзото), а била снимена во далечната 1976-та година во Англија.

Во серијата имавме можност да видиме какви згоди и незгоди може да нѐ снајдат кога дома како милениче имаме мајмун.

Џуди и Џои Греам, заедно со нивниот пријател Џош Петерс имаа голема одговорност додека се обидуваа да се грижат за мајмунчето Алис, да ја скријат од луѓето на кои би им пречело во околината да има мајмун, но и да не дозволат таа да направи проблеми.

А Алис секогаш наоѓаше начин да им побегне и да предизвика вистински хаос.

Итра и непредвидлива, оваа мајмунка секогаш успеваше да нѐ насмее, но и да ги спаси децата од различните ситуации во кои се наоѓаа.

Иако на YouTube не се достапни видеа од серијата преведена на македонски јазик, сепак може да ги погледнете видеата на англиски јазик, а веруваме дека уште насловната мелодија ќе ви се вратат спомени од детството.

Погледнете неколку епизоди од серијата во продолжение:

Б. С. Б. | Црнобело