Стив Џобс: Не дозволувајте бучавата од туѓите мисли да го задуши вашиот внатрешен глас!

Ако сè уште не сте ја прочитале книгата на Стив Џобс и сè уште не сте стигнале да го погледнете филмот со Ештон Качер во главната улога, барем на кратко застанете и прочитајте ги мудрите зборови на овој великан кој не зборува за компјутерите, технологијата, ниту за деловни стратегии...

„... Кога ќе пораснете, во главно ви зборуваат дека светот е таков каков што е и треба да уживате во него. Ве советуваат да не одите со глава во ѕид, да се обидете да водите добар семеен живот, да се забавувате, да заштедите пари... Но, не ви кажуваат дека таквиот живот е ограничен. Животот може да биде многу поширок кога ќе го откриете едноставниот факт - сè околу вас што се нарекува живот го смислиле луѓе кои од вас не се нешто многу попаметни. Тој живот само вие можете да го менувате, да влијаете на него, да правите нешта кои на другите би им користеле... Кога тоа ќе го сфатите, веќе никогаш нема да бидете истите!

Имате ограничено време за живот, па затоа не го трошете за да живеете туѓи животи. Не паѓајте во замки и не живејте по туѓите мислења, не дозволувајте бучавата од туѓите мисли да го задуши вашиот внатрешен глас. И најважно, соберете храброст и следете го своето срце и интуиција. Само тие знаат во што сакате да прераснете. Сè останато е помалку важно...“