Највредниот совет од мојата мајка: Чувај ги пријателките. На жените секогаш им се потребни други жени

Една млада жена која штотуку се омажила, дошла во посета на својата мајка. Седнала на фотелјата додека пиела леден чај и започнала разговори за животот, бракот, одговорностите и обврските на зрелите луѓе.

najvredniot-sovet-od-mojata-majka-cuvaj-gi-prijatelkite-na-zenite-sekogas-im-se-potrebni-drugi-zeni-01.jpg

Мајката замислено ги промешала коцките мраз во својата чаша, за одлучно да ја погледне својата ќерка и да изусти:

„Немој никогаш да ги заборавиш твоите пријателки. Тие ќе ти бидат се поважни како што ќе старееш. Колку и да го сакаш својот сопруг, своите деца, тие сепак ќе ти бидат потребни. сети се да излезеш и да поминеш време со нив. И запамети дека твоите пријателки не се само пријателки, тие се твои сестри, твои ќерки и твои роднини. Ќе ти бидат потребни други жени. На жените секогаш им се потребни други жени.“

„Каков совет... Зарем сега кога се омажив и зачекорив во светот на заљубените парови, ти ми го кажуваш ова? Јас сум возрасна жена. Не сум тинејџерка на која и се потребни пријателки. Мојот сопруг и моето семејство ми е единственото нешто што ми е потребно за животот да има смисла.“

Но, сепак, за некое чудо ја послушала својата мајка и се потрудила да го одржи контактот со неколкуте пријателки.

Како што годините одминувала, полека ја сфаќала поентата на советот.

Во своите 40-ти научила:

Времето поминува. Животот се случува. Дистанцата раздвојува. Децата растат. Љубовта избледува. Срцата се кршат. Работите доаѓаат и си заминуваат. Кариерите завршуваат. Родителите умираат. Колегите ги забораваат услугите. Мажите имаат свој свет.

Но, пријателките остануваат, без оглед на времето и километрите.

Додека мислиш дека мораш да го одиш животниот пат осамена, твоите пријателки ќе бидат тука, покрај патот, навивајќи, молејќи се за тебе, туркајќи те и чекајќи те на крајот од патеката. А, понекогаш и ќе ги прекршат правилата за тебе.

М. Д. | Црнобело

Би можело да ве интересира:

За пријателот кој за еден живот одживеа како за три наредни и беше светлина која допре сечиј живот..... Тој не „земаше“ од животот, буквално грабаше од него и секогаш ќе ми речеше „Жив...

Александар Митевски за CRNOBELO лексикон: „Малку ми е незгодно кога во кафеана ќе засвират и некоја ... „Една работа за која се каам во кариерата се политички кампањи и политика. Со го...

„Не ја води секоја битка - замини за да се поштедиш себеси“ Зрелоста не значи дека секогаш треба да го имате последниот збор. Зрелост е кога...

„На крајот од животот, успех не е тоа колку си имал, туку колку светлина си оставил зад себе“ „Човекот не се памети само по тоа што го направил, туку по тоа како се чувствува...

Ретро носталгија: Се сеќавате ли кога во дневни весници читавме најава што ќе има на ТВ програмата? Ах, порано кога времињата беа поедноставни, сè беше некако помагично, зарем не? ...

Марио од 2Бона за CRNOBELO лексикон: „За мене постои само една жена“ „Ако постои една работа за која се каам во кариерата или животот, тоа е што го н...