Најголемата вистина за девојките кои се среќни со својот сингл статус

Кога таа вели дека ѝ е добро, не лаже. Не го кажува тоа само за да изгледа кул пред другите, ниту за да се увери себе дека ѝ е добро, па затоа не ја сожалувајте.

Го вели тоа затоа што е вистина. Затоа што се буди наутро и безгрижно се движи низ претстојниот ден, иако во него не се вклучени секс и бакнежи. Нејзе не ѝ треба тоа за да биде среќна.

Таа девојка веќе го создаде светот кој го сака. Сигурно студира она што го сака или ја работи работата од своите соништа. Романсата е добредојдена, но не е неопходна.

Таа не е под лажни импресии дека за да биде среќна, мора да има љубов. Има пријатели, семејство, миленици, роднини кои ја обожаваат. Да, можно е да се биде среќен и без љубовна врска. Тогаш ги гледаш сите причини за кои му се радуваш на животот и точно знаеш каде одиш.

Таа го мрази притисокот на луѓето околу нејзе да ја запознаваат со сингл другар или братучед. Повеќе сака да ја прашуваат како ѝ е на студии или на работа, дали учи нешто ново и што постигнува на професионално поле.

Оние кои неправедно ја етикетираат како несреќна, всушност самите се плашат од идејата да бидат сингл. Тие погрешно заклучуваат дека за некој да биде среќен мора да биде во врска.

Но, таа сепак е среќна, без разлика дали другите ѝ веруваат или не.

Е. Д. | Црнобело