Сите се експерти за политика, а им треба деценија да ја сменат власта, болесниците владеат, а децата ги лекуваме со СМС пораки

Да резимираме… Поголемиот дел од народот работи работа која ја мрази, прима плата која му е недоволна, спие со оние што не ги сака, се опкружува со луѓе што не ги поднесува, го зборува она што не го мисли, а го мисли она коешто нема сила да го изговори.

Се повикува на законот кога нешто ќе му биде одземено, а баш му е гајле за законот кога нешто ќе згреши…

Поголемиот дел од Македонците мислат дека е нормално да ја продадат главата да го наполнат газот, молчешкум ги враќаат кредитите за задоволување на политичката суета, не се свесни дека власта го сака народот исто како што педофилот децата и им веруваат на поповите, кои пак не веруваат во даноци…

Поголемиот дел од нашиот народ најмногу се лути кога ќе погодиш директно во заблудите. Вината секогаш ја бараат во другите, наместо во огледалото, експерти се за политика, а потребна им е деценија да ја сменат власта, ги менуваат политичарите, но не и системот, мислат дека ќе им помогне Бог, па си одмагаат самите на себе…

Затоа децата ќе ни работат на бродови и за странски инвеститори.

Затоа помладиот соработник наместо сам свој газда ќе си стане роб на себеси.

Затоа 30 години ги вртиме сличните политичари на калеидоскопот на пропаста.

Затоа нашите болесници владеат додека децата ги лекуваме со СМС пораки.

Затоа селанецот ги праќа децата во град, а граѓанинот своите надвор од државата.

Затоа сè уште нè води екипата која во ’90-тите години се дочепи до богатството на оние со скинати капути, со цел да ни покаже како се станува Швајцарија.

Затоа увезуваме зеленчук од пустински земји, а нашите земји самите стануваат пустини.

Затоа се делиме на верници и неверници, на оние и овие, наместо на угнетувачи и угнетувани.

Затоа гласот на разумот е тивок во нашата отворена лудница.

Затоа и живееме во минатото, бидејќи поголемиот дел не се борат за иднината.

Нашата чудесна балканска утопија.

Извор