Еден совет кој ќе ви помогне да не љубоморите на љубовниот живот на другарката

Не е лесно да сте единствената сингл личност во друштвото, додека гледате како на сите околу вас им цвета љубовниот живот.

И додека за другите не ви е многу гајле, љубовниот живот на најдобрата другарка понекогаш ви предизвикува фрустрации, особено кога ве одбива за дружење поради партнерот.

Не грижете се, тоа е природен одговор на вашиот нервен систем и навистина чувството не е убаво. Сепак, во овие ситуации треба да се потрудите да не се „отруете“ од самосожалување дека сте несреќни.

Лесно е да ви се чини дека сите се среќни и вљубени, освен, секако вие, но сетете се дека постојат и уште многу луѓе кои се сингл и среќни или по навика или по избор.

Од друга страна, реалноста за врските на вашите пријатели е онаа која ја слушате од нив и која ја гледате на социјалните мрежи. Секогаш постои шанса нештата и да не се толку розови како што изгледаат. Сетете се само на својата последна врска и ќе ви биде јасно што сакаме да кажеме.

Затоа, за да си помогнете против оваа љубомора, ставете си во глава дека дури и навидум најсреќните врски не се она што е прикажано пред јавноста. Не дека сакате на вашата пријателка да ѝ биде лошо, туку тоа е реалноста која вие сте ја подзаборавиле благодарение на долгите години сингл живот.

Следно што треба да направите е да мислите за себе како „материјал што не е за врска“, било да е тоа поради физички изглед или одредена карактерна особина која ве прави специфични. Запамтете, и вашите пријатели не се совршени, а сепак нашле љубов. Вас, најверојатно, уште не ви е време за тоа.

Е. Д. | Црнобело