Поучна приказна: Момче се срамело од мајка си, но потоа се засрамило од себеси

Мало момче кое одело во прво одделение ја викнало мајка си на родителска средба.

Таа рекла дека ќе дојде и тоа се засрамило затоа што неговата учителка за првпат ќе ја види мајка му, која имала огромна лузна на лицето.

Иако била млада и убава жена, момчето се срамело од огромната лузна, која ѝ ја прекривало целата десна страна од лицето. Тоа никогаш не ни разговарало со неа на темата од каде ја добила лузната.

На состанокот, без оглед на лузната, сите биле воодушевени од љубезноста и природната убавина на неговата мајка, но момчето сепак се срамело и криело.

Кога се нашло во близина на мајка му и неговата учителка, детето случајно го слушнало нивниот разговор.

„Од каде ви е таа лузна на лицето?“, ја прашала учителката.

Мајката одговорила:

„Кога мојот син беше мал избувна пожар во неговата соба. Сите се плашеа да влезат, затоа што пожарот излегуваше од контрола, па влегов јас.

Додека трчав кон неговото кревтче, видов како паѓа греда над него, па скокнав за да го заштитам. Се онесвестив, но за среќа дојдоа пожаникари и нè спасија двајцата.

Лузната ќе ми остане вечно, но до ден денешен никогаш не зажалив за тоа што го направив.“

Во тој миг момчето со солзи во очите истрчало до мајка си и цврсто ја прегрнало. Во тој миг сфатило каква жртва таа направила за него и од тој ден, па натаму, цврсто ја стегало за раката и се гордеело со неа секогаш и секаде.

Извор