Дневна доза нежност: 8 причини за уште една прегратка плус

Кога последен пат ја прегрнавте саканата личност, своите родители, сопственото дете? А кога некој од нив ве повлекол кон себе?

Ако не можете да се сетите, тогаш време е да го промените ставот и навиките. Прегратката не чини пари, а вреди многу.

Научниците тврдат дека 8 прегратки дневно се доволни за среќен и исполнет живот. Еве зошто:

1. Топлата прегратка буди верба и чувство на сигурност. Помага во остварувањето на искрена комуникација.

2. Една прегратка е доволна за да се зголеми лачењето на окситоцин, кој го лекува чувството на осаменост, лутина и бес.

3. Цврстата и долга прегратка го подигнува нивото на серотин, со што се подига нивото на среќа и добро расположение.

4. Прегратката го зајакнува имунитетот. Нежниот притисок на градната коска го стимулира производството на бели крвни зрнца, кои се главен борец против сите болести.

5. Прегратките ја подигаат самодовербата. Самото тоа што се чувствувате сакано и посакувано има огромно значење.

6. Со прегрнувањето се ублажуваат болките, се опуштаат мускулите и се ослободува тензијата насобрана во телото.

7. Прегратката смирува. Со секоја прегратка преку кожата се пренесуваат електрични импулси кои влијаат на избалансираноста на нервниот систем.

8. Прегратките го заменуваат смеењето и медитацијата. Само тие ја имаат таа охрабрувачка моќ да и се препуштиме на животната енергија.