Анти - кафулиња се новиот европски тренд

На многумина им е чудно да седнат некаде, да купат кафе и да го пијат колку може подолго само за да го продолжат одморот во некое кафуле.

Оваа пракса наскоро може да стане дел од минатото и целосно да се променат навиките.

Книжевникот и претприемач од Москва, Иван Митин одлучил да отвори „Ziferblat “, ланец на анти - кафулиња  во Лондон. Концептот „Ziferblat “, што во превод од руски значи „бројач“, односно тоа е еден вид часовник  кој го мери времето кое посетителите го поминуваат овде. Според тоа и цените се однесуваат на поминатото време, а не на испиеното кафе.

Во цената е вклучена неограничена количина кафе, бисквити и интернет.

Според овој иновативен метод на плаќање посетителите плаќаат 3 пени за секоја помината минута во кафулето. Додека за 10 евра може да останат колку што сакаат.

Митин сепак повеќе сака својот нов концепт да го нарече „слободен простор“, а не анти - кафуле, бидејќи смета дека ги негува разговорот и креативноста меѓу странците.

Тој кажува дека дошол на оваа идеја бидејќи сакал да создаде место каде луѓето ќе можат пред сè да бидат отворени едни пред други, без алкохол и гужви во ноќните клубови.

Додека овој концепт е прилично нов во Лондон, вакви анти - кафулиња веќе одамна се дел од секојдневниот живот во Русија. Секој месец деветте локали „Ziferblat “ ги посетуваат околу 30.000 луѓе.

Првото „Ziferblat“ кафуле е отворено во 2011 година и веднаш направило револуција бидејќи целосно го изменило начинот на кој луѓето оделе на кафе.

Таму секојдневно се прикажуваат филмови, се организираат предавања, свирки и читање поезија, а може да донесете и своја храна или пијалак. Единствено нешто што е забрането е алкохол.

Моментално во Русија има околу 200 анти – кафулиња, а Митин се надева дека ќе го повтори својот успех и во Велика Британија. Ако тоа му успее планира да се прошири и во Берлин, Париз и други големи светски градови.