Кои туристи обожаваат да се сончаат голи на плажа?

Одморот на плажа сѐ уште е омилена дестинација за одмор на многу туристи, но нивните навики се разликуваат од земја во земја.

Па, така некои туристи преферираат да се сончаат голи, додека, пак, останатите обожаваат да гледаат голотија.

Најновите истражувања за навиките на туристите ширум светот во текот на летниот одмор го покажаа следново:

1. Скоро една третина од Австријците признале дека сакаат да се сончаат голи на плажите. Ова задоволство го делат заедно со Германците.

2. За разлика од останатите жени ширум светот, дури 49% од жените во Европа се сончаат топлес. На првото место од оваа листа се наоѓаат Австријките. На второ место се наоѓаат Шпанките каде 42% признале дека сакаат да се сончаат топлес, а на трето место се Германките со 39%.

3. Истражувањата покажале дека Американците и Британците не уживаат во голотијата на плажа во текот на одморот. Само 12% од Британците и 13% од Американците признале дека би посетиле нудистичка плажа.

4. Според истражувањата како најскромни се покажале Азијците. Само 2% од вкупното население во Јапонија, 3% од Јужна Кореја и 4% од Тајланд посакуваат да се сончаат голи. Но, Јапонците признаваат дека сакаат да ги гледаат жените топлес.

5. Ни Шпанците не остануваат рамнодушни кон топлес сончањето, па дури 74% од нив признале дека обожуваат да гледаат голотија. Од друга страна пак, Бразилците сакаат минијатурни костими за капење.

6. Во ова најново истражување биле вклучени 12.000 туристи од 24 различни земји и 5 континенти. Истражувањето покажало дека Европејците се тие кои најмногу сакаат да се сончаат голи.

Дали вие повеќе сакате да се сончате голи или пак да гледате голотија?