Најслатката работа на светот - јаде по 130 чоколади неделно!

Алекс Емерсон Вајт е 27 годишна девојка која работи за компанијата Marks&Spencer и нејзина секојдневна задача е да ги пробува чоколадите, особено пред Велигден, кога се избираат најдобрите состојки за чоколадните јајца, зајчиња или прасиња.

Неделно јаде по 130 чоколади или 5,9 kg за само 5 дена. За сметка на тоа секојдневно, пред работа оди во теретана и вежба за да може да ја одржи формата, но и здравјето.

Покрај тоа, патува низ цел свет за да ги одбере најдобрите состојки кои потоа ќе бидат донесени во Англија или Ирска, каде рачно се изработуваат формите од чоколадо.

Таа се залага за тоа дека производите треба да бидат еднакво неодоливи и вкусни како што изгледаат.

Ова се однесува особено на велигденските чоколадни јајца кои се рачно декорирани од страна на 12 вешти слаткари, се произведуваат во само 7500 примероци поради времето кое е потребно за изработка, а тежат еден и пол килограм.

Со оглед на тоа дека ја има највкусната работа во светот, воопшто не се жали, но треба да се има здрав желудник за секојдневно да се внесува толку многу чоколадо.