Како настанале оригамите?

Оригами е традиционална јапонска вештина за правење уметнички фигури со виткање на хартија. Зборот оригами, потекнува од “ору“ што значи...

 

...виткање и “гами“ што значи хартија.

Квадратната хартија вообичаено има површина од 15cm x 15cm и постои во разни бои или јапонски дизајни.

Традиционалното Јапонско оригами се состои од виткање на хартија наречена уаши, во различни облици, со сечење и со лепење. За разлика од ова, во денешното оригами обично само се витка.

Самата хартија била измислена во Кина и стигнала во Јапонија во 7 век. Оттука, оригамито почнало да се прави за време на празници и се збратимило со религиозните церемонии.

Оригамито како занимација започнало во периодот Муромачи (1338-1573) кога почнале да се прават кукли и слично. Особено било популаризирано во периодот Едо (1603-1868).

Боите на креираните модели специфираат чувства и односи, како на пример:

• Црвената - љубов и страст.
• Кафеавата - приземјеност, пријателство и лојалност.
• Зелената - хармонија, рамнотежа и здравје.

Најпопуларизираната форма на оригами во денешно време е Оризуру (вид штрк). Некои веруваат дека доколку се направат 1.000 оризуру и се поврзат заедно, може да се излечи човек од било каква болест (т.е., да се исполни желба).

Денес подарок од овој тип може да се најде покрај некои кревети во болниците во Јапонија.